Greanterezh

21.376 implij a oa e greanterezhioù Kerne e 1999. Ar gounezvouederezhioù zo a-raok ar madoù etre (paper, kartoñs, pakadurioù...), a-raok ar madoù aveiñ hag ar madoù beveziñ (gwiadoù, dilhad...). Embregerezhioù Bihan-tre, Embregerezhioù Bihan hag Etre a ya d'ober ar rouedad kenderc'hañ lec'hel. War-dro hanter-kant embregerezh a implij 100 goprad pe ouzhpenn.

Gant al labour-douar hag ar pesketaerezh eo bet harpet krouiñ ur rouedad gounezvouedel stank ha liesseurt: bosañ, kig-sezon, boued-mir, meuzioù fardet, arbarañ... Ar gounezvouederezh, diazezet war ar maez peurliesañ, a zegas pinvidigezh ha buhez er c'humunioù bihan. Un implij diwar zaou a gaver e gennad ar gounezvouederezh e greanterezhioù Kerne. 224 diazezadur en holl a implij en tu all da 10.000 goprad (Roadennoù o tont eus Fichennaoueg KKG KEMPER KERNE).

An obererezhioù pennañ:

			kig-sezon, meuzioù fardet (Caugant, Ranou, Jean d'Erguet, Hénaff, Tipiak, Larzul…)
			treuzfurmiñ produoù-mor (Guyader, Armoric, Gartal, St Gué Froid…)
			boued-mir (Paulet, Capitaine Cook, Saupiquet, Boutet Nicolas…)
			pastezerezh greantel, gwispiderezh (Tanguy, Coathalem, Filet Bleu, Le Glazik, Traou Mad…)
			boued-laezh (Entremont, Laezherezh Le Gall…)
			bosañ - troc'hañ (Volaven, Doux, Bigard)
			boued-loened (Fido)

E gennad ar sevel pakadurioù (metalek, plastek, paper, kartoñs ha koad), obererezh liammet ouzh ar gounezvouederezh, ez eus 15 unvez produiñ, ma labour en tu all da 2.500 den (Roadennoù o tont eus Fichennaoueg KKG KEMPER KERNE). An aozañ kasedoù ha barkadigoù polistiren evit ar boued, boestoù-mir houarn pe aluminiom, paper-sigaretenn... a ya d'ober obererezh pennañ an embregerezhioù-mañ: Bolloré Technologies (An Erge-Vras), Paperaerezh Cascadec (Skaer), Paperaerezh Mauduit (Kemperle), Franpac (Douarnenez), Ferembal (Molan), Isobox Technologies (Banaleg). Diorroet ez eus bet ur greanterezh mekanikoù-binvioù hag aveadurioù evit ambroug an embregerezhioù produiñ, treuzfurmiñ, arbarañ: aozañ dafar evit ar gounezvouederezh, dafar labour-douar hag ivez lestrsaverezh ha lestraozerezh...

Gennad ar mekanikerezh - metalouriezh (hep ar pakadurioù metalek) zo war-dro 258 diazezadur ha 3.000 implij ennañ (Roadennoù o tont eus Fichennaoueg embregerezhioù KKG KEMPER KERNE) (e-maez artizanelezh).

Embregerezhioù pennañ Kerne:

Fleetguard (Kemper), Serop Concept (Brieg), Capic (Kemper), Chanterioù Piriou (Konk-Kerne), Héma Technologies (Kemper)

Gennad an aveadurioù tredan hag elektronek zo ennañ 67 diazezadur, ma labour en tu all da 1.200 goprad (Roadennoù o tont eus Fichennaoueg embregerezhioù KKG KEMPER KERNE). An aozañ ardivinkoù pellgomzerezh pe barzhioù elektronek zo pennoberezhioù d'an diazezadur-se.

Embregerezhioù pennañ Kerne:
EADS (Douarnenez), Solas - groupe Asteel (Douarnenez), Barillec (Konk-Kerne)

Pol ar gwiaderezh - dilhaderezh zo ennañ 46 embregerezh hag ouzhpenn 1.000 implij (Roadennoù o tont eus Fichennaoueg embregerezhioù KKG KEMPER KERNE).

Embregerezhioù pennañ Kerne:
Armor Lux (Kemper), Fileuse d'Arvor (Kemper), Cotten (Tregon)

Labour greantel 1999

	Gennadoù obererezhioù Niver % Greanterezhioù labour-douar ha boued  10.614  50% Greanterezh madoù treugel  3.972  19% Greanterezh madoù aveiñ  3.667  17% Greanterezh madoù beveziñ  2.310  11% Gremm  734  3% Tangarrerezh  79  0% HOLLAD  21.736  100% Mammenn: EBSSA, RGP99

Greanterezhioù pennañ e 2001

Niver a c'hopridi d'an 31.12.01 (ouzhpenn 300 goprad)

	Groupe Bigard - Kemperle Bosañ Troc'hañ Charkuterezh 1.188 Papeteries du Mauduit Industries - Kemperle Fardañ ha gwerzhañ paper 858 Salaisons de l'Odet - Kemper Kig-sezon, charkuterezh greantel 524 Doux Père Dodu - Kemper Fardañ produoù diwar kig-yer 482 Volaven - Rieg Bosañ yer, jiboez 424 Armor Lux - Kemper Fardañ dilhad-dindan, stammennoù-mor… 423 Ets Paul Paulet - Douarnenez Pesked-mir 401 Caugant - Rosporden Fardañ ha gwerzhañ produoù tinellerezh, charkuterezh 375 Fleetguard - Kemper Krouiñ, fardañ siloù greantel a bep seurt 370 Bolloré - Kemper Arverañ greantel an teknologiezhioù 366 Wenceslas Chancerelle - Douarnenez Boued-mir 327 EADS - Douarnenez Fardañ dafar pellgehentiñ 316 Doux - Brieg Dastum, bosañ, pakañ yer 305 Compagnie générale de produits alimentaires Peny - Sant-Turian Fardañ boestoù-mir 304 Mammenn: Fichennaoueg an embregerezhioù, KKG KEMPER KERNE