Kenwerzh

5.023 stal-genwerzh, dezho ur gorread gwerzhañ hollek en tu-hont da 450 000 m², a oa e Kerne e 2001. Al letioù, an ostalerioù, ar pretioù a ya d'ober 29 % eus hollad ar stalioù. Ur c'halz anezho zo diazezet mat war an tiriad.

271 stal-genwerzh o deus ur gorread brasoc'h pe gevatal da 300 m² (hipermarc'hadoù, supermarc'hadoù, hard-discount ha gourmarc'hadoù arbennik).

Uheloc'h eo stankted kenwerzhel Kerne eget ar geidenn rannvroel a-fet ar gourmarc'hadoù hollek hag arbennik. Gallout a reer displegañ kement-se dre ma'z eo niverus-tre ar supermarc'hadoù hag ar stalioù arbennik e Su Penn-ar-Bed. Niver ar stalioù-se zo da lakaat keñver-ha-keñver gant niver annezidi Kerne, koulz ha gant niver an douristed ha hini an eiltiez.

Frammet eo tiriad Kerne tro-dro da veur a bolioù-kenwerzh. Ma'z eo bras-divent takad arvalva Kemper (300 000 annezad) eo pouezus-kenañ levezon genwerzhel kêrioù zo evel Pont-'n-Abad, Kemperle, Konk-Kerne, Douarnenez, Gwaien - Ploeneg, Fouenant, war armerzh ar vro ha dedennañ a reont tud ar vro a-drugarez da aveadurioù kenwerzhel diorroet ha liesseurt.

Mammenn: Arsellva Armerzhel ar C'henwerzh KKG 29 - enklask war ar beveziñ 2001-2002

A bouez-bras eo plas ar marc'hadoù e Kerne, ma vez lusket buhez kenwerzhel ar c'hêrioù ganto. Hogos an hanter eus ar c'humunioù a vez degemeret ur marc'had enno ur wech ar miz da nebeutañ a-hed ar bloaz. Ret eo ouzhpennañ marc'hadoù an hañv da se. Ma vez dispignet 3 % eus budjed an tiadoù er marc'hadoù evit prenañ boued e vez prenet 9 % eus ar frouezh ha betek 14 % eus ar pesked hag ar c'hrestenneged enno.

Alc'hwez ar gartenn:
Ar marc'hadoù reoliek e Kerne
Mammenn: Imbourc'herezh armerzhel KKG KEMPER KERNE

Kinnig kenwerzhel e Kerne

	Obererezhioù Niver Boued ha stalioù hollek 782 Aveiñ an dud 490 Aveiñ an tiez 586 Dudi ha sevenadur 397 Yec'hedouriezh ha yec'hed 528 Servijoù dezho perzhioù kenwerzhel 101 Stalioù-kenwerzh ha servijoù liesseurt 680 Letioù Ostalerioù Pretioù 1.459 HOLLAD 5.023 Mammenn: Arsellva Armerzhel ar C'henwerzh, KKG Kemper (d'an 31/12/01)

	Stalioù-kenwerzh 300m² hag ouzhpenn Niver Gorread (e m²) Hipermarc'hadoù 7 33.602 Supermarc'hadoù 56 61.702 Hard Discount 7 4.782 Gourmarc'hadoù arbennik 201 205.524 HOLLAD  271 305.610 Mammenn: Arsellva Armerzhel ar C'henwerzh, KKG Kemper (d'an 31/12/01)

Stankted kenwerzhel (e m² evit 1000 annezad)

	Stanktedoù kenwerzhel Kerne Penn-ar-Bed Breizh* Hipermarc'hadoù 113 122 121 Supermarc'hadoù ha hard-discount 225 217 211 HOLLAD  hipermarc'hadoù + supermarc'hadoù 338 339 332 Gourmarc'hadoù arbennik 694 660 626 HOLLAD hipermarc'hadoù, supermarc'hadoù ha gourmarc'hadoù arbennik  1.032 999 958 Mammenn: Arsellva Armerzhel ar C'henwerzh, KKG KEMPER KERNE (d'an 31/12/01) KKG Breizh, ORC, d'ar 01/01/2002